ఈ పుట అచ్చుదిద్దబడ్డది
రేకు: 0228-1 శ్రీరాగం సంపుటం: 08-163
పల్లవి:
బంగారువంటిదాన పచ్చివిటుఁడవు నీవు
యెంగిలి నీమాటవింటి నేమి సేతురా
చ. 1:
కందువగు నీమేను కాఁగిలించఁగానె నామై
చందముగ నీమేనిలచ్చనలంటెను
చిందరవందరలైన జీడివంటిది వలపు
యిందులోనే కొనవచ్చె నేమిసేతురా
చ. 2:
మొక్కితి నీపాదాలకు ముందర మొక్కినవారి
యెక్కడో కస్తూరిబొట్టు యిదె నన్నంటె
మొక్కలాన ముయికిని ముయివంటిది వలపు
యిక్కడనే కానవచ్చె నేమిసేతురా
చ. 3:
బాగాలు నీకిచ్చితేను పాఁగిన నీతమ్ములము
పోగులై తోడుత నాపుక్కిలి నిండె
బాగుగా శ్రీవెంకటేశ పంటవంటిది వలపు
యీగతినే కానవచ్చెనేమిసేతురా
