ఈ పుట అచ్చుదిద్దబడ్డది
రేకు: 0225-1 నాట సంపుటం: 08-145
పల్లవి:
నీతోను సరి బొంక నేనోపను
కాతరించినట్టి నీకనుసన్నదానను
చ. 1:
చెక్కునొక్కి వేఁడుకొంటే సేదలెల్లాఁ దేరిచితి
మొక్కితిఁజుమ్మీనీకు మొన్న మొన్ననే
తక్కరివిద్యలుయెమీఁ దలఁచకుమీ అయ్య
చిక్కఁగా వలచిన నీచేతిలోనిదానను
చ. 2:
పాదములు పట్టుకొంటి పంతములు నీకిచ్చితి
అదిగొన నే నవ్వితి నప్పుడప్పుడే
కాదుగూడదనకుమీ కాఁకలు సేయకుమయ్య
యేదెసచూచినా నీకునింటిలోనిదానను
చ. 3:
యిచ్చకములు సేసితినియ్యకొంటి నన్నిటికి
కొచ్చి శ్రీవెంకటేశ నేఁగూడితి నేఁడే
పచ్చి సేఁతలెల్లాఁ జేసి పదరకుమీ అయ్య
కచ్చుపెట్టుక వుండే నీ కాఁగిటిలోదానను