ఈ పుట అచ్చుదిద్దబడ్డది
రేకు: 0224-6 కన్నడగౌళ సంపుటం: 08-144
పల్లవి:
ఇంతసేసినవాఁడవు యిదినేరవా
కాంత వున్నభావము కందువు రావయ్యా
చ. 1:
చెక్కుల లేఁతచిగురు చేతిలోఁ దామరపవ్వు
వొక్కపరేఁ రెండనబ్బెనువిదకును
యెక్కడయేసునో మరుఁడు యెవ్వరి మర్మమంటునో
చొక్కముగ నీతిఁ జూతువు రావయ్యా
చ. 2:
ఱెప్పల ముత్యాలవాన ఱేసులనే మీలయీఁత
అప్పుడే రెండూఁ గలిగెనంగనకును
తప్పులెవ్వరివల్లనో దైవికమెట్టున్నదో
చొప్పులీ వనితవల్లఁ జూతువు రావయ్యా
చ. 2:
చిత్తములో నీరూపు చింతలు నీమీఁదను
హత్తెను రెండూ నిట్టే అతివకును
కొత్తగా శ్రీవెంకటేశ కూడితివింతక ముందు
జొత్తుల చెమటచెలిఁ జూతువు రావయ్యా
