ఈ పుట అచ్చుదిద్దబడ్డది
రేకు: 0225-2 రామక్రియ సంపుటం: 08-146
పల్లవి:
ఊరకున్నదంటానేల వొరయఁగ వచ్చేవు
నేరుపుల కెల్లానిది నెపమింతే కాక
చ. 1:
పట్టరాదు ముట్టరాదు పడఁతుల మోహము
గుట్టుదెలిసినదాఁకా గురిగాదు
ఱట్టడివి నిన్నాపె యాఱడిసేయ నోపునా
పట్టిన వ్రతముతోడి బలిమే కాక
చ. 2:
చెప్పరాదు చూపరాదు చెలుల కోరికలు
ముప్పిరి మాఁటాడుదాఁకా ముచ్చటాడదు
తప్పనివాఁడవు నీతో తారుకాణ కోపునా
తెప్పగా నీతో నవ్వేతెలివే కాక
చ. 3:
పాయరాదు తోయరాదు పడఁతుల సంగములు
చేయి మీఁదయినదాఁకా సిగ్గువడ (వీడ?) దు
యీయెడ శ్రీవేంకటేశ యింతి నీవురాన నిల్చె
వాయకు గర్వించేదా సలిగింతే కాక
