ఈ పుట అచ్చుదిద్దబడ్డది
రేకు: 0223-1 భైరవి సంపుటం: 08-133
పల్లవి:
వలపుపచారాల వనితలము
వులుగులిగెత్తఁగాను (?) వోపదువా నీవు
చ. 1:
నగవులే తెలుపులు నవ్వులలో సుద్దులయితే
పగటు మీరఁగనట్టే పంచవన్నెలు
చిగురుటధరమున చిందఁజొచ్చె నింతలోనే
వొగరువేసునో యేమో వోపుదువా నీవు
చ. 2:
మాటలే తేనెలు మాటలలో తేటలయితే
గాటమైన మిరియాలకంటెఁ గారాలు
వాటమై నాలికమీఁద వడిగొని వచ్చీనవి
వూటలైన యీ యెంగిలికోపుదువా నీవు
చ. 3:
కలయికలే చల్లన కలయికలలోపల
వెలలేని రతులెల్లా వేఁడివేఁడ్లు
యెలమి శ్రీవేంకటేశ యెనసితివి మాచేతి
వులివచ్చీ చేఁతలకు నోపుదువా నీవు