ఈ పుట అచ్చుదిద్దబడ్డది
రేకు: 0058-1 ఆహిరి సంపుటం: 06-097
పల్లవి:
అపు డేమనె నేమను మనెను
తపమే విరహపుఁ దాపమనె
చ. 1:
పవనజ యేమనె పడఁతి మఱేమనె
అవనిజ నిను నేమను మనెను
రవికులేంద్ర భారము ప్రాణంబనై
ఇవల నెట్ల దరియించే ననె
చ. 2:
యింకా నేమనె యింతి మఱేమనె
కొంకక యేమని కొసరుమనె
బొంకులదేహము పోదిది వేగనె
చింకవేఁట యిటు చేసె ననె
చ. 3:
నను నేమనె ప్రాణము మన కొకటనె
తనకు నీవలెనె తాపమనె
మనుకులేశ ప్రేమపుమనకూటమి
ఘనవేంకటగిరిఁ గంటి ననె
