ఈ పుట అచ్చుదిద్దబడ్డది
రేకు: 0058-2 ఆహిరి సంపుటం: 06-098
పల్లవి:
అంతకంతకును వెఱపయ్యీని
యెంత నను వలపించి యేఁపేవో యనుచు
చ. 1:
పయ్యె దెడలించి గుబ్బల నిన్ను నలమఁ బ్రియ
మయ్యీని మిగుల వెఱ పయ్యీని
గయ్యాళి రతుల ననుఁ గరఁగించి మరుబారి
నుయ్యాల పొలయలుక నూఁచేవో యనుచు
చ. 2:
వెడవెడని తమ్ములము వీడుదోడాడ మన
సడరీని తలఁప వెఱపయ్యీని
వడిలోక మేలు దేవర దివ్యవదనంబు
కడుల నెంగిలని యొరులుగందురో యనుచు
చ. 3:
గొప్ప సవరంబు నాకొప్పులో ముడిచేవు
అప్పటి నాకు వెఱపయ్యీని
చెప్పఁగడు నరు దైన శ్రీవేంకటేశ యిది
యిప్పు డెవ్వతెకు నీ విత్తువోయనుచు
