ఈ పుట అచ్చుదిద్దబడ్డది
రేకు: 0056-5 సామంతం సంపుటం: 06-089
పల్లవి:
ఎట్టు దొరికనె చెలియ యిద్దరికి నిటువంటిఁ
పట్టనిలుపఁగరాని బరువైన వలపు
చ. 1:
నిడివి తమకములచే నిట్టూర్పు లివె నీకు
అడియాస తమకంబు లాతనికిని
కడలేని వేదనల కన్నీళ్లివే నీకు
అడరుఁబరితాపంబు లాతనికిని
చ. 2:
గుఱుతైన యతనిపై గోరాటలదె నీకు
అరుదైన ప్రియమాన మాతనికిని
పురిగొన్న విరహమునఁ బొరలాట లవె నీకు
అరమరపుఁ బరవశము లాతనికిని
చ. 3:
ఎనసి యాతనిరాక కెదురుచూచుట నీకు
అనుకూలుఁడై కలయు టాతనికిని
అనయంబు తిరువేంకటాధీశుఁ డిడె నీకు
అనుభవన కెల్ల నీ వాతనికిని
