ఈ పుట అచ్చుదిద్దబడ్డది
రేకు: 0056-4 సామంతం సంపుటం: 06-088
పల్లవి:
పలుకులఁదేనియ లొలికెడిచక్కని
వెలఁదులు కోనేటి విభునిఁ బాడెదరె
చ. 1:
నలికపుఁజూపుల నగవుల నునుసిగ్గు
దొలఁకంగ నిగ్గు దోఁపంగ
కలికికి కన్నుఁగవ కాంతలు ప్రేమ
నెలయించి తిరువేంకటేశునిఁ బాడెదరె
చ. 2:
పెదవుల సన్నపు బీటల మెఱుఁగులు
పొదలంగ ముద్దులు పొలయంగా
వదనము సొబగులు వనితలు కడుఁ
గదసి వెంకటగిరి ఘనునిఁ బాడెదరె
చ. 3:
భారపుఁ గుచముల కన్నీటి చెమటలు
జారంగా తావిచల్లంగా
కూరిమి రచనలు గొసరుచుఁ గడు
ధీరునిఁ గోనేటి తిమ్మనిఁ బాడెదరె