ఈ పుట అచ్చుదిద్దబడ్డది
రేకు: 0055-5 భూపాళం సంపుటం: 06-083
పల్లవి:
అంతదొడ్డవారమా అందుకుఁ దగుదుమా
మంతనపు మాటల మరగించేవు
చ. 1:
నిన్నుఁ బోలువారమా నీయంతవారమా
వెన్నెలుఁ జల్లలు నమ్మువెలఁదులము
పన్నిన యీ రత్నాల బంగారుటిండ్లలో
యెన్నకైన తూఁగుమంచు మెక్కు మనేవు
చ. 2:
చెప్పరానివారమా చెమటపై వారమా
కప్పురంపుఁ జవి యెఱుఁగనివారమా
చిప్పిలేటితేనెల సేమంతివిరుల
చప్పరములోనికి సారెఁ బిలిచేవు
చ. 3:
జంకెనలవారమా సరసపు వారమా
మంకుమంకు మాటల మందవారమా
వేంకటాద్రి విభుఁడా వేడుకలరాయఁడా
తెంకికి నెప్పరిగమిఁదికి రమ్మనేవు