ఈ పుట అచ్చుదిద్దబడ్డది
రేకు: 0055-4 సామంతం సంపుటం: 06-082
పల్లవి:
కొమ్మ నీ వెవో కోపంతు వతఁడు
రమ్మనఁగఁ బిలువ నిటు రావమ్మా
చ. 1:
నెయ్య మెఱింగి చెలియ నీవె పో యతనితో
చయ్యాటములనే పగ చాటేవు
కయ్యపుమాటలకు కనుచూపు కాఁకలకు
నియ్యకొన కతనిచన వియ్యవమ్మా
చ. 2:
అందముగ నతఁడు మాటాడఁగా నతనితో
మందమందమె కాని మాటాడవు
గొంది నిందాఁక చెక్కునఁ జేయి తియ్యవిదె
మందలించక వెనక మఱవవమ్మా
చ. 3:
ఇప్పుడిదె తిరువేంకటేశ్వరుఁడు పచ్చడము
కప్పఁగానే కొంత కసరేవు
రెప్పలను నవ్వు పచరించి తింతటిలోన
నెప్పుడును నిటువలెనె యెనయవమ్మా