ఈ పుట అచ్చుదిద్దబడ్డది
రేకు: 0055-3 పాడి సంపుటం: 06-081
పల్లవి:
ఘుమ్మనియెడిశ్రుతి గూడఁగను
కమ్మని నేతులు కాఁగఁగఁ జెలఁగె
చ. 1:
నీలవర్జుఁ డని నీరజాక్షుఁడని
బాలుని నతివలు పాడేరో
పాలు విదుకుచును బానల కాఁగుల
సోలి పెరుగు త్రచ్చుచుఁ జెలరేఁగి
చ. 2:
మందరధరుఁ డని మాధవుఁడని గో
విందునిఁ బాడేరు వెలఁదు లిదె
నందవ్రజమున నలుగడ నావుల
మందలఁ బేయల మంచిరవముల
చ. 3:
వేంకటపతి యని వేదనిలయుఁడని
పంకజనాభునిఁ బాడేరో
అంకులచేతను నలరురవంబుల
బింకపుమాటల బృందావనమున
