ఈ పుట అచ్చుదిద్దబడ్డది
రేకు: 0055-2 భైరవి సంపుటం: 06-080
పల్లవి:
భామ తొల్లిటి పూజఫలము సఫలముగాను
యేమఱక వేడుకల నిట్లఁ బూజించె
చ. 1:
నొసలిలేఁ జెమటలను నునుఁగురులఁ బూజించె
కసిగాట్ల నధరంబు కలయఁ బూజించె
కొసరు కనుఁగవ కెంపు కొనలఁ బూజించె
వసివాడు మేనిపై వాసనలఁ బూజించె
చ. 2:
మొలకనవ్వుల ముద్దుమో మలరఁ బూజించె
చిలుకుఁ జూపుల లోని సిగ్గుఁ బూజించె
నిలువుఁబులకలచేత నిలువెల్లఁ బూజించె
నెలఁతచనుదోయి క్రొన్నెలలఁ బూజించె
చ. 3:
మనసు గోరికల కళ మర్మములఁ బూజించె
గొనకొన్న రతులచేఁ గొలికి పూజించె
ఎనసి శ్రీ తిరువేంకటేశు కౌఁగిటిలోన
వనిత సంభోగ పరవశముఁ బూజించె
