ఈ పుట అచ్చుదిద్దబడ్డది
రేకు: 0055-1 వరాళి సంపుటం: 06-079
పల్లవి:
నీకువలచిన సతికి నెగులు గలదా మీఁద
నీ కరుణ మఱవ కింతియ చాలును
చ. 1:
నీ వంటి చతురునకు నిక్కంబుగా వలఁచి
జీవంబు విడిచినా సేగిగలదా
భావముల నినుఁదలచి పడఁతి యిట్లాయెనని
ఆవేళ నను దలఁచు మంతేచాలు
చ. 2:
తగిలి నినుఁ బాసి సంతాపదావాగ్ని నిటు
నొగిలి నా నాకిందు నొప్పిగలదా
పగదేర మరుని పూ బాణములఁ దెగినపొం
దుగ నప్పుడైన వగతువుగా నీవు
చ. 3:
కూరుముల నిటు నిన్నుఁ గూడినలతాంగికిని
వేఱె యిఁక మరుచేతి వెఱపు గలదా
సారమతి వేంకటేశ్వర నన్ను నలయించి
యీరీతి నైనఁ జన విత్తుగా నీవు
