ఈ పుట అచ్చుదిద్దబడ్డది
రేకు: 0055-6 ముఖారి సంపుటం: 06-084
పల్లవి:
నినుఁ బాసినయట్లు నెలఁతకు వియోగదశ
లెన్నడునుఁ దోప విది యేమోగాని
చ. 1:
నినుఁ దలచి లలితాంగి నీరూప మాత్మలోఁ
గని నీవు నవి బయలు కౌఁగిలించినది
తనర నాకాశతత్త్వము నీమహత్త్వమని
వనిత యెవ్వరిచేత వినెనోకాని
చ. 2:
నినుఁ బొగడి నీరూపు కనుదోయి కెదురైన
తనివి దీఱక బయలు తగఁ జూడఁదొడఁగి
మునుకొన్న సర్వతోముఖుఁడ వనఁగా నిన్ను
వెనుక కే భావమున వినెనో కాని
చ. 3:
తలఁపునను వాకుననుఁ దలఁపఁ దలఁపఁగ నీవు
కలసి యీ కమలాక్షిఁ గౌగిలించితివి
తెలసితిమి వేంకటాధిపతి నీ విన్నింటఁ
గలవనెడిమాట నిక్కంబువోకాని
