ఈ పుట అచ్చుదిద్దబడ్డది
రేకు: 0043-1 శంకరాభరణం సంపుటం: 06-007
పల్లవి:
అతను సంపదకంటె నసదా చెలిరూపు
మతిచింతచేత వేమరు నలఁగెఁ గాక
చ. 1:
తగుఁ జందురుని నణఁచఁ దగదా చెలిమోము
వగలచే నొకయింత వాడెఁగాక
పగటుఁగోవెల మించి పాఱదా సతి పలుకు
జగడమునఁ బతిఁబాసి సన్నగిలెఁ గాక
చ. 2:
కదలు గందపు గాలి గా(వ?)దా చెలియూర్పు
కదిమేటి మదనాగ్నిఁగ్రాఁగెఁ గాక
కొదమ తుమ్మెదగమికిఁ గొఱఁతా చెలితురుము
చెదరి మరుబాణముల చే జాఱెఁగాక
చ. 3:
లీలఁబన్నీటికిని లేఁతా చెలి చెమట
లోలిఁ బూఁబానుపున నుడికెఁగాక
యేలచిగురునకంటె నెరవా చెలిమోవి
గేలి వేంకట విభుఁడు గీలించెఁగాక
