ఈ పుట అచ్చుదిద్దబడ్డది
రేకు: 0054-4 పాడి సంపుటం: 06-076
పల్లవి:
నెఱజాణ తనమూ నీ కింత కలదట
చిఱునవ్వు జెలికింత చింతైనవలదా
చ. 1:
నిక్కమైన బిగువు నీకింత గలదట
చక్కనియింతికి వద్దా జడనైనాను
ఎక్కడో నీమనసు ఎంతైనఁ గలదట
చెక్కు మీఁద దరుణికిఁ జేయైన వలదా
చ. 2:
నెలకొన్నకసరు నీ కింత గలదట
వెలఁదిమతికి వద్దా వెరగైనా
నిలువుఁజెలువమూ నీకింత కలదట
కలికి చెలికిఁ గొంత కాఁకైన వలదా
చ. 3:
నీమేనివెరపూ నీ కింతకలదట
భామకు వద్దా తలప ట్టయినా
నేమము వేంకటేశ నీ కింతగలదట
కామినికి నింత వద్దా కౌఁగిట నీచనవూ
