ఈ పుట అచ్చుదిద్దబడ్డది
రేకు: 0054-3 సామంతం సంపుటం: 06-075
పల్లవి:
మంటలంటా బెదరీని మాణిక్యాలు చూచి చెలి
యింటిలోనూ నెరవాయె నేమిసేతమే
చ. 1:
నిండుఁబరితాపమున నీలపుమణులమేడ
నుండరాక దేహమెల్ల నుమ్మగించంగా
పండు వెన్నెలల మంచిబయట నిలిచిచెలి
యెండనవి తల్లడించె నేమిసేతమే
చ. 2:
గ్రక్కనఁ జెలులుచేరి కప్పురపు బాగాలు
చెక్కువట్టి కదలించి చేతి కియ్యంగా
పొక్కుచుఁ జెలులఁ గన్ను బొమ్మలవిండ్లఁగోప
మెక్కువట్టి యేయ జూచి నేమిసేతమే
చ. 3:
పాయక వేంకటపతి పచ్చఁబట్టు ముసుఁగులో
సోయగపు రతులను చొక్కుచునుండి
రాయడి నెవ్వతె పసపాయెనో పచ్చడమని
యేయెడ నైఁనా దూరే నేమిసేతమే
