ఈ పుట అచ్చుదిద్దబడ్డది
రేకు: 0054-2 సాళంగనాట సంపుటం: 06-074
పల్లవి:
పలుకుఁదేనెల తల్లి పవళించెను
కలికితనముల విభునిఁ గలసినది గాన
చ. 1:
నిగనిగని మోముపై నెఱులు గెలఁకులఁ జెదర
పగలైన దాఁక జెలి పవళించెను
తెగని పరిణతులతోఁ దెల్లవాఱినదాఁక
జగదేకపతి మనసు జట్టిగొనెఁగాన
చ. 2:
కొంగుజాఱిన మెఱుఁగు గుబ్బలొలయఁగఁ దరుణి
బంగారు మేడపైఁ బవళించెను
చెంగలువ కనుఁగొనల సింగారములు దొలఁక
నంగజగురినితోడ నలసినదికాన
చ. 3:
మురిపెంపు నటనతో ముత్యాలమలఁగుపై
పరవశంబునఁ దరుణి పవళించెను
తిరువేంకటచలాధిపుని కౌఁగిటఁ గలసి
యరవిరైననుఁ జెమట నంటినదికాన
