ఈ పుట అచ్చుదిద్దబడ్డది
రేకు: 0054-1 పాడి సంపుటం: 06-073
పల్లవి:
చింత లేమనుచుఁ జేసితివో
కాంతాళించియుఁ గదలదు మనసు
చ. 1:
నిలువునఁ బులకలు నిండెను నామెయిఁ
దలపున నేమని తలఁచితివో
సొలసియు నినుఁ గడు సోఁకఁగ నాడఁగఁ
దలఁచియు నాలికఁ దగులదు మాట
చ. 2:
తాపమె హృదయము దాఁకెం బయిపయి
చూపుల నేమని చూచితివో
కోపము కన్నులఁ గురిసి మోమున
నేపునఁ జిఱునగ వెడయదు నాకు
చ. 3:
ఆఁగిన కుచముల నలసారఁగ నా
కౌఁగిట నేమని కలసితివో
రాఁగవు వేంకట రమణుని చెమటలఁ
దోఁగియు వేడుక దొలగదు నాకు
