ఈ పుట అచ్చుదిద్దబడ్డది
రేకు: 0052-5 శ్రీరాగం సంపుటం: 06-065
పల్లవి:
చిఱునవ్వు మెఱుఁగారు సిగ్గుల మోముతోడ
మరగె నిన్నలమేల్మంగ నాచారి
చ. 1:
నిలువుఁదురుము మీఁది నెమలిపాదపుడాలు
తొలి మెఱుంగుల మించి దొలఁకఁగాను
అలరుచు నినుఁ జూచి అప్పుడె వెరగువడి
మలయుచు నలమేలుమంగ నాచారి
చ. 2:
పరగునీమెడ సరపణులవుయ్యాలలో
ఉరుటు మురిపమున నూఁగుచును
గిరికొన్న తమకాన కిందుమిఁదెఱుఁగక
మరచె మే నలమేలు మంగనాచారి
చ. 3:
కంచము గని మోవి కమ్మఁదేనే లారగించి
లంచముగఁ గస్తూరి లప్పలు రాల
యెంచఁగఁ దిరువేంకటేశుఁడు నీ పాఁపసజ్జ
మంచమెక్కె నలమేల్మంగనాచారి