ఈ పుట అచ్చుదిద్దబడ్డది
రేకు: 0048-4 సామంతం సంపుటం: 06-040
పల్లవి:
విట్టలయ్య వీధికేఁగి వేగవచ్చెవో
కట్టుఁగాలు వలసొంపు గందువు గాని
చ. 1:
దూపిలి నొచ్చితివి తొయ్యలి మెచ్చితివి
భూపతి చెరువు దాఁకాఁ బోయిరా రాధా
యేపు మీర నీఁదులాడి యింతుల నింద్దరిఁ గూడి
వైపుగాఁగ మాపటెంత వత్తువు గాని
చ. 2:
యెండ దాఁకితివి కడు నిచ్చల రచ్చలు సేసి
కొండచరిఁబొలమోరఁ గూరుచుంటివో
కొండలెక్కి కడునిక్కి కూరుముల నాకు దక్కి
బొండుమల్లెల తోఁటకుఁ బోదువుగాని
చ. 3:
విజయనగరములో వీధుల వీధుల వెంట
భుజమురికలతోడఁ బొద్దువుచ్చెవో
త్రిజగములు నేలిన తిరువేంకటేశుండ
భజన నిలిచితి భూపతి చెరువుకాడను