ఈ పుట అచ్చుదిద్దబడ్డది
రేకు: 0047-1 నాదనామక్రియ సంపుటం: 06-031
పల్లవి:
ఏగతి నోఁచెనో యిందువదన యీ
బాగులు ఖేదముఁ బాపెడిని
చ. 1:
తొలఁకెడి జలములతోడికన్నుఁగవ
తలఁచి డెందము తలఁకీని
అలయుచుఁ జలితో నాడినమాటలు
పలికిన నామది భ్రమసీని
చ. 2:
తొడరిన చెమటలఁ దోఁగిన పయ్యెద
పొడగని దేహము పొగిలీని
ఉడికెటి వ్రేఁకపుటూర్పుల వేఁడికి
నుడిగిన నాలుక నొగిలీని
చ. 3:
కదిసిన తిరువేంకటపతి చేఁతలు
సుదతి విలాసము చూపెడిని
వదనము తావికి వలగొనుతేఁటుల
సదమద మగు రుతి చాటీని