ఈ పుట అచ్చుదిద్దబడ్డది
రేకు: 0042-2 భైరవి సంపుటం: 06-002
పల్లవి:
ప్రాయంపు మదములే పరిణామము మతిఁ
బాయని రమణికి నీఫై నెంతవలపో
చ. 1:
తుమ్మిపూవుఁగొలనిలో తరుణులుందాము మిండ
తుమ్మెద లీఁదులాడంగ దొంగి చూచి
కొమ్మ నినుఁ గూడి కేళాకూళితోఁ గస్తూరినీట
నిమ్ముల నోలలాడిన దెటువంటి వలపో
చ. 2:
కొదమమావిపై గండుఁగోవిల లేఁజిగురాకు
ముదిత కందీఁగా ప్రేమమునఁదాఁజూచి
అదివొ యుప్పరిగెపై నాకుమడిచి నీ వీఁగా
వదనాన నందుకొనె వడి నెంత వలపో
చ. 3:
నెయ్యంపుఁ జకోరము వెన్నెల రస మింతినోర
నొయ్యనె కుమ్మరించంగ నువిదచూచి
కయ్యంపుంగూటమిని వేంకటేశుండ తమ్మరస
మియ్యంగఁ జొక్కితివి నీ విపుడెంతవలపో?
