ఈ పుట అచ్చుదిద్దబడ్డది
రేకు: 0044-4 కాంబోది సంపుటం: 06-016
పల్లవి:
వలపుల దాడి వచ్చె వనితలారా మరుం
డెలగో లేయంగఁ జొచ్చె నేలాగే
చ. 1:
తూరుపునం బొడిచెఁ జందురుఁడు మిన్నుల మోవ
పాఱుతెంచె విరహుల బందికాఁడు
గోరపు వెన్నెల వెల్లి గొని మీఁదమీఁద నిప్పు
లేఱై పారఁగఁజొచ్చె నెందు చొత్తమే
చ. 2:
చందనపుఁ గొండ వంక చల్లగాలి తుదముట్టి
ముందు ముందె కదిసె దుమ్ములు లేవఁగా
మందమై పన్నీటి సోన మందు చల్లె నమ్ములై
యెందు చూచినఁ దానె యేమి సేతమె
చ. 3:
క్రొచ్చి పారె గుబ్బచన్నుఁ గొండల చెమ్మటనీరు
రొచ్చుగం గరి దరులు జారఁగా
పచ్చిగా వేంకటగిరి పతి యింతిఁ గూడఁగాను
ఇచ్చకాలె గనమాయె నింక నేఁటిదే
