ఈ పుట అచ్చుదిద్దబడ్డది
రేకు: 0044-1 బౌళి సంపుటం: 06-013
పల్లవి:
కనుమూసెఁగదె దీని గరువంపుఁ దెలివి
చనుదోయి పైకొంగు జారిన నెఱుఁగదు
చ. 1:
తలకెక్కెఁగదె దీని తనువికారములు
పొలుపైన నెరులు కొప్పున జారెను
చలి ముంచెఁగదె దీని జవ్వనపు మదము
పులకజొంపములచేఁ బొరలెక్కె మేను
చ. 2:
వడదాఁకెఁగదె దీని వాల్ గన్నుఁగొనలు
చిడుముడి ముచ్చటతో సిగ్గువడీని
బడిదప్పెఁ గదె దీని పలుకుఁదేనియలు
తడఁబాటుతోడ చిత్తము దాఁచెనిపుడు
చ. 3:
కసరెక్కెఁగదె దీని కస్తూరి చెమట
అసలుఁ గుంకుమ తోడ నలరీని మేన
ఉసురెక్కెఁగదె దీని యొరుపు నూరుపుల
పొసఁగి వేంకటపతి పొందు దెలిపెడిని