ఈ పుట అచ్చుదిద్దబడ్డది
రేకు: 0043-6 ఆహిరి సంపుటం: 06-012
పల్లవి:
సతికి నిటువంటి రాజస మేల కలిగెనే
తతిగొన్న విరహాగ్ని ధరియించలేదు
చ. 1:
తోరమగు భారంపు తురుమేల కలిగెనే
నారీమణికి మెఱుఁగు నళినముఖికి
వైరంపు మరుని నెవ్వగల బాణాగ్నిచే
జారఁగా పలుమారు సవరించ లేదు
చ. 2:
వెలఁదికి జఘనంపుఁ వ్రేఁగేల కలిగెనే
కలహంస గమనమునఁ గదల లేదు
నలికంపు నడుము సన్నమున నవకపు మణుల
మొలనూలు జారఁగా మోవనే లేదు
చ. 3:
ఇంతికిని చక్కఁదన మింతేల కలిగెనే
వంతఁ బొరలించు యౌవన మదమున
ఇంత లోననె వేంకటేశు కౌఁగిటఁగలసి
మంతనపుఁ బరవశము మతిఁ దెలియలేదు
