ఈ పుట అచ్చుదిద్దబడ్డది
రేకు: 0043-5 సామంతం సంపుటం: 06-011
పల్లవి:
చెలిదా మతి నీచెఱగాక
తలఁపగ నీకిది తగులైపోయె
చ. 1:
తరుణీమణివా తమ్మికన్ను లివి
అరయ నెపుడు నీయవె కాక
నిరతపుఁజూపులు నీచెలువమునకే
యిరవై వనితకు నెరవైపోయె
చ. 2:
మెలుఁతది గా దీమే నిటుకాఁకల
కలవఱచిన నీయదే కాక
పులకజొంపములఁ బ్రుంగు డగుచు నీ
యలుకల చెమటల కమ్ముడొవోయె
చ. 3:
పంకజముఖివా బలుపుఁ గుచములు న
ఖాంకరుచుల నీయవే కాక
వేంకటేశ నీ వేడుక కౌఁగిట
నంకురించె నీవవునోకావో
