ఈ పుట అచ్చుదిద్దబడ్డది
రేకు: 0043-4 శ్రీరాగం సంపుటం: 06-010
పల్లవి:
చాలు నింక నిటువంటి సంసారము మరుని
పాలైతి నిపు డింటి భాగ్యమిది నాకు
చ. 1:
తనియు కిటు నీవు గాంతల నెల్లనా యెదుట
గొనియాడ దొరకొంటి కొంకులేక
వినియుఁ బ్రాణము తోడ విషమైన యీకూడు
దినఁజేరినది యేఁటి దేహ మిది నాకు
చ. 2:
వెఱవ కిటు సతుల నీ వెను వెంటఁ బెట్టుకొని
మెఱయ దొరకొంటివిదె మేరలేక
యెఱిఁగియునుఁ దీపనుచు నిట్టి నీ మన్ననల
చెఱఁబెట్టినది యేఁటి జీవమిది నాకు
చ. 3:
ఎక్కువగు నీతరుణు లిందరిని నాకిట్ల
మ్రొక్కించ దొరకొంటి మొఱఁగు లేక
గ్రక్కునను నన్ను వేంకటగిరీశ్వర కలసి
చిక్కనైతివి చాలుఁ జిన్నమిది నాకు