ఈ పుట ఆమోదించబడ్డది
రేకు: 0014-02 రామక్రియ సం; 01-084 అథ్యాత్మ
పల్లవి:
వెలయునిన్నియును వృథా వృథా
తలఁపున శ్రీహరిఁ దడసినను
చ.1:
ఎడయలేనిపుణ్యము లెన్నియైనా
విడువక సేయుట వృధా వృధా
బడిబడి నే శ్రీపతి నాత్మలోఁ
దడవక యితరము దడవినను
చ.2:
యెరవులతపముల నెంతైనా
విరవిరవీఁగుట వృధా వృధా
హరినచ్యుతుఁ బరమాత్మునిని
మరచి తలఁచక మఱచినను
చ.3
దైవము నెఱఁగక తమకమున
వేవేలైన వృధా వృధా
శ్రీవేంకటగిరిచెలువునిని
సేవించక మతిఁ జెదరినను