ఈ పుట ఆమోదించబడ్డది
రేకు: 0014-01 ముఖారిసం: 01-౦83 వైరాగ్య చింత
పల్లవి:
ఎందుఁ బొడమితిమో యెఱఁగము మా-
కందువ శ్రీహరికరుణేకాక
చ.1:
ఏఁటిజన్మమో యెఱఁగము పర-
మేఁటిదో నే మెఱఁగము
గాఁటపుకమలజుఁ గాచినయీ
నాఁటకుఁడే మానమ్మినవిభుఁడు
చ.2:
యెవ్వారు వేల్చులో యెఱఁగము సుర
లెవ్వరో నే మెఱఁగము
రవ్వగు శ్రీసతిరమణుఁడు మా-
కవ్వనజోదరుఁ డంతరియామి
చ.3:
యింకానేఁటిదో యెఱఁగము యీ -
యంకెలబాముల నలయము
జంకెల దనుజులఁ జదిపినతిరు-
వేంకటేశుఁడు మావిడువనివిభుఁడు
