ఈ పుట ఆమోదించబడ్డది
రేకు: 0013-06 శంకరాభరణం సం; 01-182 వైరాగ్య చింత
పల్లవి:
పాపములే సంబళమెపుడూ యీ-
యాపదఁబడి నే నలసేనా
చ.1:
ఎన్నిపురాణము లెటువలె విన్నా
మన్న మనువు దిమ్మరితనమే
నన్ను నేనే కానఁగలేనట నా
విన్న వినుకులకు వెఱచేనా
చ.2:
యెందరు వెద్దల నెట్లఁ గొలిచినా
నిందల నామతి నిలిచీనా
కందువెఱిఁగి చీకటికిఁ దొలఁగనట
అందపుఁబరమిఁక నందేనా
చ.3:
తిరువేంకటగిరిదేవుఁడే పరమని
దరి గని తెలివిఁక దాఁగీనా
తిరముగ నినుఁ జింతించినచింతే
నిరతము ముక్తికి నిధిగాదా