ఈ పుట ఆమోదించబడ్డది
రేకు: 0002-01 శుద్ధవసంతం సం: 01-007 అధ్యాత్మ
పల్లవి: సదా సకలము సంపదలే
తుద దెలియఁగ వలెఁ దొలఁగఁగవలయు
చ. 1: అహర్నిశమును నాపదలే
సహించిన నవి సౌఖ్యములే
యిహమున నవి యిందఱికిని
మహిమ దెలియవలె మానఁగవలెను
చ. 2: దురంతము లివి దోషములే
పరంపర లివి బంధములు
విరసములౌ నరవిభవములౌ-
సిరులే మరులౌ చిరుసుఖ మవును
చ. 3: గతి యలమేల్ మంగ నాంచారికిఁ
బతియగువేంకటపతిఁ దలఁచి
రతు లెఱుఁగగవలె రవణము వలెను
హిత మెఱుఁగఁగవలె నిదె తనకు
