ఈ పుట ఆమోదించబడ్డది
రేకు: 0002-02 శుద్ధవసంతం సం: 01-008 నామ సంకీర్తన
పల్లవి: ఇందిరానామ మిందరికి
కుందనపుముద్ద వో గోవింద
చ. 1: అచ్చుతనామము అనంతనామము
ఇచ్చినసంపద లిందరికి
నచ్చినసిరులు నాలుకతుదలు
కొచ్చికొచ్చీ నోగోవిందా
చ. 2: వైకుంఠనామము వరదనామము
ఈకడనాకడ నిందరికి
వాకుఁదెరపులు వన్నెలు లోకాలఁ
గూకులు వత్తులు నోగోవిందా
చ. 3: పండరినామము పరమనామము
ఎండలువాపెడి దిందరికి
నిండునిధానమై నిలచినపేరు
కొండలకోనేటివోగోవిందా
