ఈ పుట ఆమోదించబడ్డది
రేకు: 0010-03 సామంతం సం: 01-063 వైరాగ్య చింత
పల్లవి: కాలవిశేషమో లోకముగతియో సన్మార్గంబుల_
కీలువదలె సౌజన్యము కిందయిపోయినది
చ. 1: ఇందెక్కడిసంసారం, బేదెసఁ జూచిన ధర్మము
కందయినది,విజ్ఞానము కడకుఁ దొలంగినది,
గొందులు దరిఁబడె, శాంతము కొంచెంబాయ,వివేకము
మందుకు వెదకినఁ గానము మంచితనంపుఁబనులు
చ. 2: మఱి యిఁక నేఁటివిచారము, మాలిన్యంబైపోయిన_
వెఱుకలు, సంతోషమునకు నెడమే లేదాయ,
కొఱమాలెను నిజమంతయు,కొండలకేఁగెను సత్యము,
మఱఁగైపోయను వినుకులు, మతిమాలెను తెలివి
చ. 3: తమకిఁక నెక్కడిబ్రదుకులు, తడఁబడె నాచారంబులు,
సమమైపోయిన వప్పుడె జాతివిడంబములు ,
తిమిరంబింతయుఁ బాపఁగఁ దిరువేంకటగిరిలక్ష్మీ-
రమణుఁడు గతిదప్పను కలరచనేమియు లేదు
