ఈ పుట ఆమోదించబడ్డది
రేకు: ౦098-02 శంకరాభరణం సం; 01-490 భక్తి
పల్లవి:
నెరవాది సాహసులు నిత్యశూరులు
దురితవిదూరులు ధ్రువాదులు
చ.1:
తక్కక శ్రీహరిభక్తితాపలు సేసి యెక్కిరి
చక్కఁగా వైకుంఠము సనకాదులు
వొక్కట విష్ణుకథలు వోడసేసుక దాఁటిరి
పెక్కుసంసారజలధి భీష్మాదులు
చ.2:
కడువిరక్తియనేటికత్తులనే నరకిరి
నడుమ భవపాశముల నారదాదులు
బడినే హరిదాసులపౌఁజుల గూడుకొనిరి
నుడివడ కిహమందే శుకాదులు
చ.3:
పరమశాంతములనే పట్టపేనుగులమీద
వరుసల నేఁగేరు వ్యాసాదులు
సిరుల శ్రీవేంకటేశుఁ బేరి సుఖముఁ బొందిరి
బెరసి దాస్యమున విభీషణాదులు