ఈ పుట ఆమోదించబడ్డది
రేకు: ౦090-04 బౌళి సం: 01-480 దశావతారములు
పల్లవి:
అరుదరుదు నీమాయ హరి హరీ
అరసి తెలియరాదు హరిహరీ
చ.1:
అనంతబ్రహ్మండము లవె రోమకూపముల
అనంతములై వున్నవి హరిహరీ
పొనిగి కుంగినవొక్క భూమి నీ వెత్తినది యే-
మని నుతింతు నిన్ను హరి హరీ
చ.2:
పొదిగి బ్రహ్మదులు నీబొడ్డును నేకాలము
అదివో పుట్టుచున్నారు హరిహరి
పొదలి యీజీవులను పుట్టించే యీసామర్ధ్యము
అదన నేమనిచెప్పే హరి హరీ
చ.3:
పావనవైకుంఠము నీపాదమూల మందున్నది
ఆవహించేభక్తిచేత హరి హరీ
శ్రీవేంకటాద్రిమీఁద చేరి నీ విట్టె వుండఁగా-
నావల వెదకనేల హరిహరీ
