ఈ పుట ఆమోదించబడ్డది
రేకు: 0092-05 లలిత సం: 01-457 అంత్యప్రాస
పల్లవి:
పట్టినదెల్లా బ్రహ్మము
దట్టపుజడునికి దైవంబేలా
చ.1:
ఘనయాచకునకు కనకమే బ్రహ్మము
తనువే బ్రహ్మము తరువలికి
యెనయఁ గాముకున కింతులే బ్రహ్మము
తనలో వెలిఁగేటి తత్వం బేలా
చ.2:
ఆకటివారికి నన్నమే బ్రహ్మము
లోకమే బ్రహ్మము లోలునికి
కైకొని కర్మికి కాలమే బ్రహ్మము
శ్రీకాంతునిపై జింతది యేలా
చ.3:
భువి సంసారికి పుత్రులె బ్రహ్మము
నవ మిందరి కిది నడచేది
యివలను శ్రీవేంకటేశు దాసులకు
భవ మతనికృపే బ్రహ్మము
