ఈ పుట ఆమోదించబడ్డది
రేకు: ౦౦85-06 ఖైరవి సం: 01-416 అంత్యప్రాస
పల్లవి:
తెలియరాదు మాయదేహమా మమ్ము
పలువికారాలఁబెట్టి పనిగొన్న దేహమా
చ.1:
దినమొక్క వయసెక్కే దేహమా సారె
పెనుమదము గురిసీ బెండు దేహమా
దినదిన రుచిగోరే దేహమా నన్ను
ఘనమోహపాశాలఁ గట్టెఁగదె దేహమా
చ.2:
తెలివినిద్రలుగల దేహమా నీ-
పొలము పంచభూతాలపొత్తు దేహమా
తిలకించి పాపపుణ్యాల దేహమా
బలుపుగలదాఁకా బదుకవో దేహమా
చ.3:
తీరని సంసారపు దేహమా ఇట్టె
వూరట లేనిభోగాల వోదేహమా
కూరిమి శ్రీవేంకటేశుఁ గొలిచితి నిఁక నాకు
కారణజన్మమవై కలిగినదేహమా
