ఈ పుట ఆమోదించబడ్డది
రేకు: 0085-05 లలిత సం; 01-415 వేంకటగానం
పల్లవి:
మా కెల్ల ' రాజానుమతో ధర్మ' యిది నీ
యీకడఁ గలుగుట కేమరుదు
చ.1:
అలగరుడగమన మహిశయనంబును
కలిసి నీయందె కలిగెనటా
పొలసినపాపముఁ బుణ్యము నరులకు
యెలమి గలుగుటకు నేమరుదు
చ.2:
యిదె నీడకన్ను యెండకన్ను మరి
కదిసి నీయందె కలిగెనట
సదరపునరులకు జననమరణములు
యెదురనె కలుగుట కేమరుదు
చ.3:
శ్రీకాంత ఒకదెస భూకాంత ఒకదెస కదెన
కైకొని నీకిటు గలిగెనట
యీకడ శ్రీవేంకటేశ యిహపరము
యేకమై మా కగు టేమరుదు
