ఈ పుట ఆమోదించబడ్డది
రేకు: 0081-03 దేసాళం సం: 01-390 వైష్ణవ భక్తి
పల్లవి:
పరులసేవలు చేసి బ్రదికేరటా
సిరివరుదాసులు సిరులందు టరుదా
చ.1:
కోరి వొక నరునిఁ గొలిచిన వారలు
దీరులై సలిగెలఁ దిరిగేరట
కూరిమి బ్రహ్మండ కోటులేలెడివాని-
వార లింతటఁ జనవరులౌ టరుదా
చ.2:
చేకొన్న తుమ్మిద చేపడ్డ కీటము -
లాకడఁ దుమ్మిదలయీనట
శ్రీకాంతుని పాదసేవకులగు వార -
లేకులజు లయినా నెక్కుడౌ టరుదా
చ.3:
ధరణీశు నాజ్ఞల తమదేశములందు
సిరులనాణెపు ముద్ర చెల్లీనట
తీరువేంకటాద్రి శ్రీదేవుని ముద్రలు
థరియింపఁగా నింతటఁ జెల్లు టరుదా
