ఈ పుట ఆమోదించబడ్డది
రేకు: ౦౦81-02 సాళంగం సం; 01-389 వైరాగ్య చింత
పల్లవి:
పనిమాలినట్టి వట్టి పఱఁదుగాక మాకు
ననిచి యిదియు నొక్కనగుఁబాట్లా
చ.1:
కన్నవారినెల్లా వేఁడేకష్టమే దక్కుటగాక
పన్ని దైవమియ్యనిది పరులిచ్చేరా
యెన్నికతోఁ దేహమిచ్చె నిహమెల్లాఁ జెందనిచ్చె
వున్నవారింతటి పని కోపఁగలరా
చ.2:
బడలి తానెందైనాఁ బడ్డపాటే దక్కెఁగాక
కడఁగి రానిది దే నొక్క రివసమా
కడుపులో నుండఁగానే కలవి నుదుట వ్రాసె
తడవి దైవముచేఁత దాఁట వసమా
చ.3:
దెప్పరపు సంపదకుఁ దిమ్మటలే దక్కెఁగాక
యెప్పుడూ శ్రీవేంకటేశుఁడీక మానీనా
చప్పుడుగా నతనికే శరణన్న జాలుఁగాక
తప్పులును వొప్పులు నాతనివే కావా
