ఈ పుట ఆమోదించబడ్డది
రేకు: 0078-06 పాడి సం: 01-375 వైష్ణవ భక్తి
పల్లవి:
ఇందునుండ మీ కెడ లేదు
సందడి నేయక చనరో మీరు
చ.1:
నాలుక శ్రీహరినామం బున్నది
తూలుచుఁ బారరొ దురితములు
చాలి భజంబున చక్రం బున్నది
తాలిమి భవబంధము లటు దలరో
చ.2:
అంతర్యామై హరి వున్నాఁ డిదె
చింతలు వాయరొ చిత్తమున
వింతలఁ జెవులను విష్ణుకథ లివిగొ
పొంతఁ గర్మములు పోరో మీరు
చ.3:
కాపయి శ్రీవేంకటపతిపే రిదె
నాపై నున్నది నయమునను
కోపపుకామాదిగుణములాల మీ-
రేపున కడఁగడ నెందైన బోరో
