ఈ పుట ఆమోదించబడ్డది
రేకు: 0068-03 ముఖారిసం: 01-354 నామ సంకీర్తన
పల్లవి:
ఎక్కడనున్నా నీతఁడు
దిక్కయి మాదెసఁ దిరిగీఁగాక
చ.1:
సరసుఁడు చతురుఁడు జగదేకగురుఁడు
పరమాత్మ డఖిల బంధువుఁడు
హరి లోకోత్తరుఁ డతఁడే నామతి
సిరితోఁ బాయక చెలఁగీఁగాక
చ.2:
ఉన్నతోన్నతుఁ డుజ్జ్వలుఁ డధికుఁడు
పన్నగశయనుఁడు భవహరుఁడు
యిన్నిటఁగ లిగిన యిందిరారమణుఁడు
మన్ననతో మము మనిపీఁగాక
చ.3:
మమతల నలమేల్మంగకు సంతత -
రమణుఁడు వేంకటరాయఁడు
జమళిసంపదల సరసవిభవముల
తమకంబున మముఁదనిపీఁగాక
