ఈ పుట ఆమోదించబడ్డది
రేకు: 0068-౦4 కన్నడగౌళ సం: 01-355 అథ్యాత్మ
పల్లవి:
విశ్వప్రకాశునకు వెలిఁయేడ లో నేడ
శాశ్వతున కూహింప జన్మమిఁక నేడ
చ.1:
సర్వపరిపూర్జునకు సంచారమిఁక నేడ
నిర్వాణమూర్తికిని నిలయమిఁక నేడ
వుర్వీధరునకుఁ గాలూఁదనొక చోటేడ
పార్వతీ స్తుత్యునకు భావమిఁక నేడ
చ.2:
నానాప్రభావునకు నడుమేడ మొదలేడ
ఆనన సహస్రు నకు నవ్వలివ లేడ
మౌని హృదయస్థునకు మాటేడ పలుకేడ
జ్ఞాన స్వరూపునకుఁ గాన విననేడ
చ.3:
పరమ యోగీంద్రునకు పరులేడ తా నేడ
దురితదూరునకు సంస్తుతి నింద లేడ
తిరువేంకటేశునకు దివ్యవిగ్రహ మేడ
హరికి నారాయణున కవుఁగాము లేడ
