ఈ పుట ఆమోదించబడ్డది
రేకు: 0068-01 నాట సం: 01-352 వైరాగ్య చింత
పల్లవి:
కాయము జీవుఁడుగలనాఁడే తెలియవలె
యీాయత్నములు దనకెన్నఁడు
చ.1:
సతతము సంసారజడుఁడు దానట యాత్మ-
హితవు దెలుసుకాల మెన్నఁడు
రతిసరసముల పూరకే ప్రాయ మెడలంగ
యితరసుఖము దన కెన్నఁడు
చ.2:
యెడపక ద్రవ్యమెహితుఁడై తిరుగఁ దన.-
యిడుమపాటు మాను టెన్నఁడు
కడలేనిపొలయలుకలచేతఁ దనదేహ-
మిడియఁగ నిజసుఖ మెన్నఁడు
చ.3:
శ్రీవేంకటేశునిఁ జేరి తక్కినసుఖ-
మేవగించుకాల మెన్నఁడు
శ్రీవల్లభునికృప సిరిగాఁ దలఁచి జీవుఁ -
డీవైభవముఁ గాంచు టెన్నఁడు