ఈ పుట ఆమోదించబడ్డది
రేకు: 0005-05 నాదరామక్రియ సం: 01-034 వైరాగ్య చింత
పల్లవి: ఇన్నియుఁ గలుగు టేజన్మముననైనఁ
జెన్నలర హరిసేవ సిద్దించుకొరకు
చ. 1: అరయ వేదాధ్యయన మది బ్రహ్మశుద్దికొర-
కిరవైనశాస్త్రంబు లెరుకకొరకు
తరి యజ్ఞములు రుణోత్తారమయ్యెడికొరకు
సరిలేనిదానములు జన్మములకొరకు
చ. 2: మమకారదూరంబు మనసు గెలుచుటకొరకు
సమవివేకంబు శాంతములకొరకు
అమరశ్రీతిరువేంకటాధ్రీశుమనసు నీ-
జముగెలుచు బ్రహ్మవిజ్ఞానంబుకొరకు
