ఈ పుట ఆమోదించబడ్డది
రేకు: 0005-04 సామంతం సం: 01-033 వైరాగ్య చింత
పల్లవి: పరమపాతకుఁడ భవబంధుఁడ శ్రీ -
హరి నినుఁ దలఁచ నే నరుహుఁడనా
చ. 1: అపవిత్రుఁడ నే నమంగళుఁడఁ గడు-
నపగతణ్యుఁడ నలసుఁడను
కపటకలుషపరికరహృదయుఁడ నే-
నపవర్గమునకు నరుహుఁడనా
చ. 2: అతిదుష్టుఁడ నే నధికదూషితుఁడ
హతవివేకమతి నదయుఁడను
పతిలేని రమాపతి మిముఁదలఁచలే
నతులగతికి నే నరుహుఁడనా
చ. 3: అనుపమవిషయపరాధీనుఁడ నే-
ననంతమోహభయాతురుఁడ
వినుతింపఁగ దిరువేంకటేశ ఘను-
లనఘులుగాక నే నరుహుఁడనా
