ఈ పుట ఆమోదించబడ్డది
రేకు: 0005-06 సామంతం సం: 01-035 శరణాగతి
పల్లవి: ఏ నిన్ను దూరక నెవ్వరి దూరుదు నీ-
వాని నన్నొకయింత వదలక నను నేలవలదా
చ. 1: అపరాధిఁగనక నన్నరసి కావుమని
అపరిమితపుభయ మంది నీకు శరణంటిఁగాక
నెపములేక నన్ను నీకుఁ గావఁగ నేల
అపవర్గరూప దయాంబుధి తిరువేంకటాధిపా
చ. 2: ఘనపాపిఁ గనక నీకరుణ గోరి నీ-
వనవరతము నాయాతుమ విహరించుమంటిఁ గాక
యెనసి నన్నుఁ గాచు టేమి యరుదు నీకు-
ననఘుఁడ పరమతత్త్వానంద తిరువేంకటాధిప
