ఈ పుట ఆమోదించబడ్డది
రేకు: 0063-06 దేశి సం: 01-327 అధ్యాత్మ
పల్లవి:
జీవుఁ డెంతటివాఁడు చిత్త మెంతటిది తన
దైవికము గడవ నెంతటివాఁడు దాను
చ.1:
విడిచిపోవని యాస విజ్ఞానవాసనలఁ
గడచి మున్నాడె నెక్కడివివేకములు
వుడుగనియ్యనిమోహ ముబ్బి పరమార్ధముల
మెడవట్టి నూకె నేమిటికింక నెరుక
చ.2:
పాయనియ్యనిమహాబంధ మధ్యాత్మతో
రాయడికిఁ దొడఁగె సైరణలేల కలుగు
మాయనియ్యనికోపమహిమ కరుణామతిని
వాయెత్తనియ్య దెవ్వరికిఁ జెప్పుదము
చ.3:
సరిలేనియాత్మచంచల మంతరాత్మకుని-
నెరఁగనియ్యదు దనకు నేఁట్టిపరిణతలు
తి రువేంకటాచలాధిపునిమన్ననఁగాని
వెరసి యిన్నటి గెలువ వెరవు మఱిలేదు
